Brixen

Afers

Is schianschte Schtickl va der Welt,

sell hott der Herrgott in die Ofra gebm giwllt.

Hoach obm iba do Brix´na Stodt,

hotta des Platzl fir ins ibrig gilott.

Weil wenns die Stadtla untn amol nimma ausdoholtn,

semm sellatn no miar se a wian koltn.

sell tiama woll, miar sein jo net aso,

weil Plotz hobm miar wegn dei ollm no.

Schiane ischs do ba ins, und ersch fein, an richtign Schtolz hobma, do dahoame zi sein. Wias do wogst und schiane bliaht,

va do oanfoch weckzigiahn, hot schun efta oan giriaht.

Di Kefl sein nunt, man dogreift se foscht un, und do Peitla Kofl hots schun in meahra ungitun.

No kearn no dei vieln Olmwiesn dazua,

do drin hott man no sei seliga Ruah.

In Winto no, wemma kniatief ingschniebm sein,

semm ischs af do Olbe obm a so richtig fein. Und oander, der koan Lärm vatrog, a Schtickl Winterwelt gearn fir sich alloane hott,

den rot i afn Gobla zi giahn, un sell gschwind

leigeaht obm gearn a wian do Wind.

M an konn losn und kloane Wundo dalebm,

lei braucht man Augn wos dei a ni seign.